თანამედროვე ტექნოლოგიების კვლევა საქართელოში დანერგვის მიზნით
მსოფლიოში უმსხვილესი კორპორაცია SPX technologies მოწვევით, საქართველოს სახელმწიფო ჰიდროგრაფიული სამსახურის სანავიგაციო ნიშნების ტექნიკური მომსახურებისა და მონიტორინგის სამმართველოს უფროსი ალექსანდრე ზარქუა ფინეთში, აღნიშნულ გაერთიანებაში შემავალი ერთერთი წამყვანი კომპანიის ,,SABIK Marine”-ის ქარხნებში იმყოფებოდა. ვიზიტის ფარგლებში ჰიდროგრაფიული სამსახურის წარმომადგენელი საზღვაო უსაფრთხოების უზრუნველყოფისათვის კომპანიის მიერ წარმოებულ უახლეს ტექნოლოგიებს და მათი დანერგვის შესაძლებლობებს გაეცნო. საქართველოს სახელმწიფო ჰიდროგრაფიული სამსახური მუდმივად ახდენს ნაოსნობის უსაფრთხოების დარგში სწრაფად განვითარებადი ტექნოლოგიების მოძიებას და შესწავლას, შემდგომში მათი საქართველოში დანერგვის მიზნით.
